Hargeysa: Shirkadda SOM Events oo shahaado-sharaf ku muteysatay doorkii ay ka qaadatay Shirweynihii lixaad ee Dallada SONYO

Hargeysa Dec. 30, 2012, (SDN)- Shirkadda  Nashqadaynta xafladaha, shahaadooyinka iwm ee SOM Events, ayaa shahaado-sharaf ku mutaystay doorkii ay ka qaateen shirweynihii SONYO ee habeen hore ku soo gebageboobay Hotel Ambassador ee magaalada Hargeysa.
Guddoomiyaha xilka wareejinaya ee daladda SONYO Mr. Axmed Cali Wacays, ayaa dhammaadkii xafladdaas waxa uu shahaado-sharaf ku guddoonsiiyay kooxihii iyo ganacsatadii sida weyn uga qaybqaatay hirgelinta shirweynahooda lixaad, waxaanu sheegay in shirkadda SOM Events ay ka mid ahayd shirkadihii doorka muhiimka ah ka qaatay nashqadaynta iyo casriyeynta shirweynahan.
Shirkadda SOM Events ayaa badi si weyn uga dhex muuqata xafladaha qaran ee dalka lagu qabto, iyada oo shir weynihii SONYO ay shirkaddu samaysay shahaadooyin casri ah oo ay ka mid ahaayeen shahaadooyinkii la guddoonsiiyey Madaxweynaha.

 

Qurbejoog.com, Hargeysa

editor@somalidiasporanews.com