Hargeysa: Laba Wiil Oo Yaryar Oo Ikhtiraacay Gaadhi iyo Marawaxad DAAWO

Hargeysa,25Nov,2015(QJ/SDN)-Ridwaan Cabdi Guuleed iyo Muxiyadiin Cumar Xuseen oo ah laba wiil oo yar yar oo wax ka barta dugsiga wiilasha ee Nuuradiin ee Hargeysa ayaa ikhtiraacay Marawaxad iyo gaadhi yar. Labadan wiil oo dhigta fasalka labaad ee dugsiga sare ayaa hindisay labadaasi Aaladood oo si fiican u shaqaynaya.

Macalimiinta Ardaydan oo ka hadlay munaasibad lagu dhiiri galinayay laguna soo bandhigayay arrintan ayaa sheegay inay hindisahan ardaydu ku keentay cilmiga la baray iyo dadaalka la galiyay, islamarkaana ay rajaynayaan in halkaasi laga sii wado.

Maamulaha dugsiyada Nuuradiin ayaa isna wiilashaasi yaryar ku dhiiri galiyay horumarinta hindisahooda, isagoo u tilmaamay in guul darradu tahay ta horseeda guusha, waxaanu ku booriyay inaanay ku niyad jabin khaladaadka ay samaynayaan.