Hablo Somaliyeed oo Wax ka Yaabiyay adduunka Ku Soo bandhigay Tartan Hibeed DAAWO

Qadar 25.Feb 2015 (SDN/QJ)- Gabadha Soomaaliyeed ee dunida ka yaabisay ee Marawa The Amazing, ayaa u gudubtay wareegga u dambeeya ee tartanka Barnaamijka Arabs got talent oo ka socda waddamada Carabta oo qof waliba ku soo bandhigayo hibooyinkiisa gaarka ah iyo waxyaabaha dadka cajab-gelinaya ee uu ku tartami karo, waxaanay gabadhani muujisay waxyaabo cajab-geliyey caalamka.

Gabadh Soomaaliyeed oo ee lagu magacaabo Marwa, isla markaana loo bixiyey Marawa the Amazing (Cajiib), ayaa ka yaabisay Dunida, isla markaana soo bandhigtay hibooyin cajiib ah, waxaanay ka qaybgashay tartanka Carabta ee Arabs got talent oo lagu qabtay dalalka Carabta.

Waxay Gabdhan Soomaaliyeed iyadoo yar ka tegtay dalka Soomaaliya, immikana da’deedu waa 29 sano jir, waxay deggan tahay Magaalada LONDON ee Carriga Ingiriiska, halkaasoo ay tartamo hore oo sidan oo kale ah kaga qayb-gashay.

Waxyaabaha cajiibka ah ee ay soo bandhigtay dartood aad bay u soo dhaweeyeen Carabtu, iyagoo garsoorayaasha Barnaamijkuna codkooda si layaable u siiyey. Muuqaallada Cajiibka ah ee ay Marwa soo bandhigtay habeennimadii 22-kii bishan Febraayo 2015-ka, halkan Hoose ka Daawo.