Habeenkii London ee Xaaji Cabdi-waraabe iyo Hablaha Ururka Gaaroodi Foundation

London Mar 11,2012(SDN)-Waxa hadda uun isagoo dhamays tiran la soo saaray, lana galiyay YouTube Channel barnaamij aad u xiiso badan oo loo qabtay Xaaji C/kariim Xuseen Yuusuf (C/waraabe) dhawaan markii uu booqashada ku joogay Wadanka Ingiriiska. Waa xaflad casho sharaf ah oo Odayga Nabada ee Somaliland lagu maamuusay, kana dhacday Hilton Hotel oo ku yaala magaalada London. Barnaamijka waxa hadallo taariikh iyo madadaalo isugu jira ka soo jeediyay dad kala gadisan oo ay ka mid yihiin Sheekh Siciid Faarax Jirre, Qoraa Maxamed Baashe Xaaji Xassan, Maxamed Haaruun Biixi iyo dad kale oo badan, dabcan waxaana lagu soo xidhay hadal aad u qiimo badan oo Xaaji Cabdi uu jeediyay. Barnaamijka waxa duubay soona saaray Filim Qaade sare Maxamed Axmed (Galool) oo ka tirsan Siraad Media, London.