Guurkii Qarniga: Wiil 19 Jir ah oo Laba Hablood Hal Habeen Ku wada Aroosay Degmadda Arabsiyo DAAWO

Arabsiyo 04. April 2017 (SDN/QJ):- Wiil da’diisu tahay 19 Jir oo ku nool Degmadda arabsiyo ee Gobolka Gebilay ayaa Todobaadkan waxa uu Isla habeen qudha wada aroosay laba hablood oo haatan ah Xaasaskiisa.

Arooskan ayaa noqdey arooskii Qarniga kaasi oo ahaa wiil laba hablood habeen qudha wada guursadey.

Wiilka ayaa sheegey in uu ku faraxsanahay arooskan,waxaana uu yidhi”Magaceygu waa Ismaaciil Cabdi Aadan,da’deyduna waa 19 sano jir,waan ku faraxsanahay in aan mar qudha wada guursado laba hablood,labadooduba raalli ayey ka ahaayeen”

Sidoo kale mid ka mid ah labada hablood ayaa tidhi”Magaceygu waa Nuura Maxamed Cabdillaahi,da’deydu waa 17 sano jir aad baan ugu faraxsanahay in mar qudha la ila guursado gabadh kale,waanan soo dhaweynayaa”

 

 

Halka gabadhii kalena ay tidhi”Magaceygu waa Samsam Maxamed Daahir,da’deyduna waa 18, sano jir,waan ku farxsannahay labadayaduba,raalibaananu kannahay,waanan soo dhaweynayaa”

Arooskani waxaa uu xaley ka dhacay tuulada gogol-wanaag ee degmada Arabsiyo ee gobolka Gabiiley