Gudoomiyaha Xisbiga Ucid oo Wiilkiisii Ku Biiray Kooxda Daacish ee ka Dagaalanta Ciraaq DAAWO

Hargaysa 05.Aug 2014 (SDN/QJ)- Cajilad muuqaal ah oo loogu talo galay munaasabada ciidda Soonfur isla markaana dicaayad loogu samaynaayey ururka ISIS ee ka dagaalada Ciraaq iyo Siiriya ayaa lagu soo bandhigey muuqaalka wiil uu dhalay siyaasiga Somaliland ee Faysal Cali Waraabe. Kaas oo lagu Magacaabo Xuseen Faysal Cali ayaa ku korey dalka Finland, waxaana uu muddo dheer deganaa magaalad Espoo.

Kadib markii aabihiis Faylsal Cali Waraabe ku biirey siyaasadda Somaliland waxa uu ka mid ahaa dhalinyaro dib ugu noqdey Somaliland.

Sanadkii 2011 ayaa Xuseen iyo gabadh uu guursadey lagu qabtey magaalada Laassnaacood isaga uu doonayey in uu galo Koonfurta Soomaaliya si uu uga mid noqdo dagaalyahanada al-Shabaab.

Mar sii horeysey ayey ahayd markii Xuseen Faysal Cali Waraabe (Abu-Shucayb) u suurta gashey in uu galo dalka Siiriya, waxaana uu hadda ku sugan yahay dalka Ciraaq isaga oo kaid ah Khilaafada halkaas looga dhawaaqey sida uu cajilka ku sheegayo.

Wiilka uu dhalay Faysal Cali Waraabe oo ku hadflaya luuqada dalka Finland ayaa sheegey in ay raayada Islamka ka taagi doonaan dalka uu ka soo jeedo ee Finland.

Hargaysa SDN/QJ

contact@qurbejoog.com