Guddoomiyaha gobolka Hargeysa ee UCID oo magacaabay guddoomiyaha garabka Dhalinyarada xisbigaas ee heer gobol

Hargeysa 03, March 2012 (Qurbejoog.com)- Guddoomiyaha gobolka Hargeysa ee xisbiga mucaaradka ah ee UCID Mr. Jimcaale Maxamed Ciise, ayaa magacaabay guddoomiyaha garabka dhalinyarada xisbigaas ee gobolka.

Sida lagu sheegay qoraalka magacaabista, guddoomiye Jimcaale waxa uu guddoomiyaha garabka dhalinyarada UCID ee gobolka Hargeysa u magacaabay Deeq Cusmaan Daahir, wuxuuna qoraalkaasi u dhignaa sidan; “Gudoomiyaha Gobolka Maroodi Jeex ee Xisbiga UCID waxa uu magacaabay Gudoomiyaha  Garabyada Dhalinyarada ee Gobolka Maroodi Jeex Hergaysa.

Gudoomiyuhu markuu tixgeliyay baahida wayn ee loo qabo dib u habayn lagu sameeyo Garabka Dhalinyarada ee Gobolka Maroodi Jeex.

Markuu latashaday Guddida Fullinta ee Xisbiga, markuu ku qancay kartidiisa shaqo Waxa uu sooo saaray maanta oo taariikhdu thay 03-March -2012 magacaabsita Gudoomiyaha Garabyada Dhalinyarada ee Gobolka Maroodi Jeex Deeq Cismaan Daahir.”

Qurbejoog.com, Hargeysa

editor@somalidiasporanews.com