Guddida Doorashada ee Ruwanda oo Shaaciyey in Madaxweyne Bool Kagama uu ku Guulaystay Doorashadii Madaxtinimo

Rwanda 06. August 2017 (SDN/QJ):- Gudida doorashooyinka ee dalka Ruwaanda ayaa si rasmi ah ugu dhawaaqay in madaxweyne Bool Kagama uu mar kale ku guulaystay doorashadii madaxtinimada ee ka qabsoontay codbixinteedu guud ahaan dalkaasi, isagoo helay boqolkiiba sideed iyo sagaashan codadkii la dhiibtay.

Mr: Bool Kagama oo dalkaasi hogaaminayey todoba iyo tobankii sano ee u dambeeyey ayaa dalkaasi gaadhsiiyey horumar dhinaca dhaqaalaha ah, taas oo u sahashay in uu guushan gaadho, iyadoo uu xaq u leeyahay in uu dalkaasi ka taliyo todobada sanadood ee soo socda sida uu dhigayo distuurka dalkaasi.

 

Geesta kale, siyaasiyiin mucaarad ku ah Mr: Bool Kagama, ayaa ku eedeeyey in xukumada kagama ay dalkaasi ku hayso cabudhin dhinaca saxafada ah, iyagoo xusay in ay iska cadayd in uu ku guulaysanayo kuna tilmaamay maqaar saar musharaxiinta kale.