Golhayaha USA oo xilka Obama lala jeclaaday iyo daawashada Kubedda cagta oo heerkii u sareysay gaartay
Washington July 03,2014(SDN/QJ)-Ciyaaryahanka Tim Howard ee u ciyaara kooxda kubedda cagta ee qaranka Mareykanka ayaa wacdarihii uu ka dhigay ciyaartii ay shalay la yeesheen kooxda Belgium waxa uu ku muteystay amaan faro badan.
Tim ayaa ciyaartii shalay waxa uu 16 jeer badbaadiyay goolka Mareykanka isla markaana waxa uu dhiirigeliyay saaxiibadii oo loo itaal sheegtay.
Kooxda Mareykanka ayaa ciyaartaa laga bediyay laakiin hadal heynta ciyaarta ayaa noqotay Tim Howard iyo sidii uu kooxdiisa uga badbaadiyay in goolal faro badan aqalkooda loogu diro.
Shacabka Mareykanka oo loogu taagwaayay daawashada ciyaarata kubedda cagta iskaa daa in ay ciyaaraan ayaa haatan hadal heyn wax aan aheyn ciyaaraha aduunka.
Taageereyaasha Mareykanka ayaa haatan waxa ay Howard la doonayaan in uu madaxweyne u tartamo. “Howard for president”/
Sawirkiisa ayaa lagu arkayay baraha Internetka ee bulshadu ku haasaawdo.
Tim Howard ayaa mudaba waxa uu u ciyaari jiray kooxda Everton ee dalka Britain balse Mareykanka ayaaney shalay ka hor cidi magaciisa aqoon.
SDN/QJ-Washington