Golaha Wakiilada Somaliland oo Maanta ansixiyay Laba Wasiir Ku Xigeen

Hargaysa 10.June (SDN) Fadhigii Maanta ee Golaha Wakiilada Somaliland oo  uu Shir Gudoominayay Gudoomiyaha Golahaasi Md.Cabdiraxamaan Maxamed Cabdilaahi,ayaa  ayaa xildhibaanadu waxa ay ku   Ansixiyeen  Wasiir Ku xigeenka  Wasaaradaha Ganacsiga Mud,Aadan Diiriye Cigaal  iyo wasiir ku xigeenka cadaalada Mud,Nuur Cismaan Guuleed.

Gudoomiyaha Golaha Wakiilada Md.Cabdiraxamaan Maxamed Cabdilaahi ayaa Mudanayaasha   warbixin kooban ka siiyay xubnahan ka tirsan Golaha wasiirada  oo hore madaxweynuhu u magacaabay lana Soo Mariyay Gudi Hoosaadyada golaha ee la xidhiidha hawlahooda..

Xoghayaha Guud ee Golaha Wakiilada C/risaaq Ayaanle,ayaa Mudanayaasha Ka hor Akhriyay Waayo-Aragnimadooda shaqo iyo wax-barasho ee xubnahan. Ka dib  waxa Goluhu Cod Gacan taag ah  u qaaday Ansixinta  labadaasi masuul, Waxaana  Ogolaaday  ansixita  labada wasiir ku xigeen ee wasaaradaha ganacsiga iyo cadaalada midkiiba  42 Mudane,  ma jirin cid diiday iyo cid ka aamustay Gudoomiyuhuna ma codayn.

Hargaysa SDN.

Qurbejoog.com