Gobol Ka Mid ah Dalka Maraykanka oo Xadhkaha Laydhku ay Soo Rideen Diyaarad !

Oregon 09. May 2017 (SDN/QJ):- Gobolka Oregon ee Dalkaasi Maraykanka ayaa Diyaarad yar oo ah nooca loo yaqaano PA32 ahna nooc aad u yar oo ku shaqeysa Hal Mishiin oo kaliya ayaa ku dhacday Xadhkaha laydhku.

Dhacdadan waxa goob joog u ahaa nin magaciisa la yidhaa Simon Lee oo ah dirawal, waxaanu xilliga shilkaasi dhacayay uu wattay Gaadhigiisa, sidaasi awgeedna waxa uu ku sawiray taleefankii gacanta ee uu sitay,

Shilka diyaaradaasi ayaa la sheegay in aanu wax dhimasho ah sababin, balse waxa uu geystay khasaare ah in Dad tiradoodu gaadhayso 9 kun oo qof ay ku laydh waayeen, sidoo kalena Wadihii diyaaradaasi iyo laba qof oo kale oo la socday ayaan wax dhibaato ahi haba yaraatee aanay soo gaadhin sida lagu soo bandhigay Barta Inernet-ka ee Sky Arabic News oo Wargeyska Himilo ka soo xigtay.