Gabadh Uu Dhalay Maalqabeenka Adduunka Ugu Taajirsan Oo Jeclaatay Nin Masri Ah !

Paris 11. July 2017 (SDN/QJ):- Warbaahinta Dalka France gaar ahaan jarriidada The Barizian ayaa shaacisay in gabadha uu dhalay maalqabeenka Bill Gates ee magaceeda la yidhaahdo Jennifer Gates ay aad u xiisanayso isla markaana ay jeclaatay nin dhallinyar ah oo u dhashay Dalka Masar waxaanay jarriidadu sheegtay in marar dhawr ah la arkay iyaga oo wada socda, ninkan dhallinyarada ah ee ay jeclaatay gabadhan uu dhalay Maalqbeenka caanka ah ee Bill Gates ayaa la yidhaahdaa Na’il Nasaar, balse wax tafaasiil ah oo intaasi dheer kamuu bixin ninkaasi.

Jennifer Gates oo haatan ku sugan Magaalada Paris ee Dalkaasi France ayaa waxay ka qayb galaysaa tartanka Fardaha waxaana la sheegay inuu ninkaasi laftiisu halkaasi ku sugan yahay oo had iyo jeer garab taagan yahay, waxaana sidoo kale la sheegay in sababta gabadhani ku jeclaatay wiilkani ay tahay inuu si gaar ah u daryeelo isla markaana had iyo jeer garab taagan yahay, balse ilaa iyo haatan lama saadaalin karo sida uu jaceylkaasi ku dambayn doono.