Fariin Jacayl ah oo soo gaadhay Askari ka qayb galay Dagaalkii 2aad ee Aduunka 72 sano kadib !

Westfield 16. May 2017 (SDN/QJ):- Haweenay Magaceeda la yidhaahdo Melissa kuna nool Gobolka New jersey, Gaar ahaan magaalada Westfield ayaa iyada iyo aabaheed oo gurgia ay dagan yihiin dib u habayn ku samaynaya ayaa waxa ay helaan warqad  ku hoos jirta salaanka gurigooda.

Warqaddan ayaa waxa ay ahayd mid ay qortay gabadh la odhan jiray Firginia bishii May ee sanadkii 1945kii, waxa aanay u qortay ninkeeda oo ka mid ahaa askartii Ciidamada Badda ee ka qayb galay Dagaalkii 2aad ee Adduunka oo magciisa la odhan jiray Rolf Christoferson, Nasiib daro farriintaa jacaylka ahi may gaadhin ciddi loo soo qoray xiligaasi, balse Melissa markii ay heshay farriintani waxa ay raadisay ciddii ay ku socotay waxa aanay heshay wiil uu dhalay ninka loo soo diray farriintaasi, waxa aanu u geeyay aabihiisii loo soo diray fariintaasi Jacaylka ah 75 sano ka hor oo haatan Da’diisu tahay 96 jir, waxa aanu u akhriyay Farriintii aanu nasiibka u helin in uu akhrista isaga oo Da’yar .