Fannaanka Wiz Khalifa oo Kala Wareegay Psy Lahaanshaha Muuqaalka Youtube ugu Daawashada badan abid DAAWO

Washington 16. July 2017 (SDN/QJ):- Fannaanka Reer Maraykan ee Wiz Khalifa Heestiisa, ‘See You Again’, ayaa kala baxday Figta ugu sarraysa ama Muuqaalka ugu daawashada badan ee abid la geliyo Barta Muuq-tebinta Internet-ka ee YouTube, Heeska Gangnam Styel ee uu leeyahay Fannaanka Kuuriyaanka ah ee Psy.

 

Muuqaalka Heestan, oo loo sameeyey Barroor-diiqda iyo Xusuusta Geerida Jilaa Paul Walker, doorkii uu kulahaa Filimka ‘the Fast and the Furious”, ayaa gaadhay oo ay daawadeen in ka badan 2,907,575,000  oo jaleece, waxaana lagu baahiyey Youtube, bishii April sannadkii 2015.

Heesta caanka ah ee ‘Gangnam Style”, ayaa haysatay Muuqaalka ugu daawashada badan Youtube, in ka badan Shan sanadood tan iyo markii la baahiyey oo ahayd , bishii July 15-keedii, 2012 kii.

 

Lama filayo in Heeska Fannaan Wiz Khalifa muddo dheer sii ahaan doonto, Rikoodhka Muuqaalka ugu daawashada badan bartaas, iyadoo ay sababtu tahay, Heeska “Despacito’ ee uu leeyahay fanaanka Luis Fonsi, oo ku gaadhay daawashada in ka badan 2.5 Bilyan in ka yar shan bilood, taas oo u muuqata inay wakhti dhaw ama bilaha innagu soo socda ay kala wareegi doonto derajadan.

 

Heestaas noqotay Heesta ugu Muuqaalkeedu ugu daawashada badan yahay Shabakadda Youtube, waxaannu idiinku soo gudbinaynaa Muuqaalkan Hoose ee Daawasho wacan oo wanaagsan:-