Fannaaniinta ay Xukuumadu Hargaysa Maanta Ku Xidhay iyo Bandhig faneedka lagu haysto ee Muqdisho ay ka soo dhigeen DAAWO

Muqdisho 27. Sep 2015 (SDN/QJ)- Xukuumadda Somaliland ayaa Maanta Xidhay afar ka Mid ah Fannaaniinta Xidigaha Geeska oo Magaalada Muqdisho ka soo laabtay kadib markii ay ka soo dhigeen Bandhig faneed Maalmihii Ciidul Adxa.
Fannaaniintan ka tirsan Xiddigaha Geeska, ayaa kala ah Cabdiraxmaan Caydiid (Oday), Nimcaan Cabdiraxmaan (Hillaac), Xamda Cabdi (Qu’een) Maxamed Axmed Bakaal (Cirro), kuwaasoo dhawaan Bandhig-Faneed kan oo kale ah ku soo qabtay magaalada Nairobi ee xarunta dalka Kenya, ka dibna u soo gudbay Caasimadda Soomaaliya oo si weyn loogu soo dhaweeyey, Habeenkii Ciiddana ay ku qabteen Bandhig-Faneed aad loo cammiray.

Haddaba, Bandhig-Faneedkaas ay Fannaaniintan Kooxda Xiddigaha Geeska ka tirsani ku qabteen Cisty Palace Huteel ee magaalada Muqdisho ee magaalada Muqdisho, Heesaha ay ku soo bandhigeen ama ay ka qaadeen iyo sida dadweynaha kala duwan ee reer Muqdisho uga qaybgaleen, waxaannu idiinku soo gudbinaynaa Muuqaalkan Hoose ee Daawasho wacan oo wanaagsan iyo dhugasho Habboon:-