Faahfaahin Dheeraad ah Oo Ka Soo Baxaysa Weeraro Madaafiic Loo Adeegasaday oo Lagu Qaaday Muqdisho
Muqdisho:Feb-03-2014(SDN)-Sidii Caadadu Ahaan jirtey, waxa Habeenkii Xalay Meelo Kala Duwan oo ka Tirsan Magaalada Muqdisho Laga Maqlay Qaraxyo Kala Duwan iyo Madaafiic Lagu Weeraray.
Degmooyin dhowr ah oo ku yaalla Muqdisho sida Wadajir, Hodan iyo Xamar-weyne ayaa laga amqlay guuxa madaafiic culus oo aanla sheegin cidda lala damacsanaa, iyagoo Dadweynuhu ku Warhelay Deryanka Hubkan oo si Lama Filaan ah ugu Soo Dhacayey Goobo Shacabku Deggen yahay.
Wararka aanu Saaka Ka Helay Magaalada Muqdisho ayaa Sheegaya in Madaafiicdaas Xalay Magaalada Lala eegtay ay Ka Dhalatay Khasaareyaal Naf iyo Maalba Leh, balse si Rasmi ah wali Looma Ogaan Karo inta Qof ee Weeraradaas Wax Ku Noqotay.
Xiliyada qaar ee magaalada Muqdisho sida bishii la soo dhaafay oo kale waxaa tiro madaafiic ah lagu weeraray garoonka diyaaradaha ee magaalada Muqdisho.
Weerarada Noocan oo Kale ah ayaa Habeenada Qaar lagu Qaadaa Goobo ka tirsan Muqdisho, waxana jira Cabsi haysata Dadka Rayidka ah ee ku Nool Halkaasi, iyadoo Dawladdu wali aanu awood u yeelan inay Weerarada Noocaas oo kale si Rasmi ah u Joojin.
S.D.N.