Faadumo Siciid:Halyeeyad Qaran
Marka hore waxaan salaanta islaamka ku salaamayaa dhamaan warbaahinta somaliland.
Marka xigta waxaan amaan aan la soo koobi karin Hooyo Marwo Faadumo Siciid, oo runtii ah halyeyad qaran oo dhaba.
Waligay intaan garaadsaday maan arag qof sida ay tahay uga sheekeeya qiso qiiradan oo kale xambaarsan kuna guubaabiya dhalin yarada wadaniyada.
Marwo Faadumo Siciid waxay u heelan tahay dhexdana u xidhatay horumarka wadankeeda, dadkeeda iyo diinteeda.
Runtii wadaniyadu waa hibo ilaahay qofkii uu caqli ku manaystay galiyo, waxaan aad ugu hambal yaynayaa Marwo qaran Faadumo Siciid.
Intaa ka dib waxaan rayi ku soo jeedin lahaa, in la sameeyo maalin qaran oo loo duceeyo dhamaanba dadkii reer somaliland shicib iyo mujaahidiinba ee ku dhintay ama ku dhaawacmay xasuuqii arxan darada ahaa ee siyaad barre.
Sidoo kale waxaan rayigayga ku soo jeedin lahaa in si gaara loogu duceeyo haddii ay nooshahayna umadda la horkeeno hooyadii dhashay inantii yarayd ee ay Marwo Faadumo Siciid ka sheekaynaysay ilaahayna looga baryo inuu samir iyo iimaan ka siiyo iyada iyo dhamaanteenba.
Waxaan xusi lahaa in la baadi doono geedkii haddii la xasuusto goobtii inanta yar ay kaga tagtay hooyadii dhashay ee ka dibna uu waraabuhu ku cunay, oo waliba laga dhiso taalo taariikhi ah.
Runtii maaha arin la fudaydsan karo, dhacdada noocan ahi, ee kaliftay in hooyo ilmaheedii waraabe uga tagto.
Ilaahay waxaan ka baryayaa inuu samir iyo iimaan saadiq ah ka siiyo iyada iyo dhamaan shacbigii uu galaaftay xasuuquna samir iyo iimaan inaga wada siiyo dhamaanteenba.
TEL: 4102347