Ergeyga Midawga Africa u qaabilsan Soomaaliya:AMISOM oo qura ma jebin karaan Al Shabaab

Muqdisho Feb 22,2014(SDN)-Ergeyga Midawga Africa ee dalka Soomaaliya Mahamat Saleh Annadif ayaa si tiiranyo leh uga waramay weerarkii shalay Shabaabku ku qaadeen Villa Somalia isla markaana baaq u jeediyay shacabka Soomaaliya.

Ergeyga ayaa sheegay in uu aad uga xun yahay weerarka iyo khasaarihii ka dhashay waxaanu hoosta ka xariiqay muhiimada doorka shicibka Soomaaliyeed ee nabadeynta Soomalaiya.

“Sidaanu marar badan sheegnay waxtarkayaga iyo quwada AMISOM oo qura ma difaaci karaan Al Shabaab hadii aanan gacan ka helin shacabka Soomaaliya khaasatan Siyaasiyiinta,Culimada iyo madax dhaqameedka”sidaa waxa yiri Mahamat Saleh Annadif.

Ergeyga ayaa eedeeyay in Shabaabku ay bartilmaansadeen Muslimiin salaad jimce isu diyaariyay isla markaana aaney aheyn qaar diin u dagaalamaya.

SDN-Muqdisho
contact@somalidiasporanews.com