Diyaarad Sucuudiga Laga Leeyahay Oo Afar Saacadood Dul Wareegaysay Magaalada Manchester Ee Dalka Britain !

Manchester 30. July 2017 (SDN/QJ):- Diyaarad laga leeyahay Dalka Sucuudiga ayaa afar saacadood ku dul wareegaysay Magaalada Manchester ee Dalka Britain, sida lagu soo bandhigay wakaalada wararka ee Manchester today, diyaaradan oo sida la sheegay ka mid ahayd Diyaaradaha shirkada Sa’udi Airways ayaa la xaqiijiyay in markii dambe ay si nabad ah u soo caga dhigatay.

Diyaaradan oo marka hore ka soo kicitintay magaalada Jeddah ee Dalkaasi Sucuudiga una socotay Magaalada Manchester ayaa la sheegay in mid ka mid ah labadeeda baalood ay cilladi ku timid arrintaasina ay sababtay inay muddo afar saacadood ah ku dul wareegto magaaladaasi intaasi kadibna ay si nabad ah u soo caga dhigatay.