Diyaarad Burburtay Balse uu Alle Ka Badbaadiyey Dhamaanba Dadkii Saarnaa Oo Dhan!

Amsterdam 27. February 2017 (SDN/QJ):- Mid ka mid ah Diyaaradaha shirkada Fly B ayaa burburtay kadib markii ay caga dhigatay madaarka Schiphol ee magaalada Amsterdam, shilkan ayaa la sheegay in ay sababtay cillad soo food saartay markii ay caga dhiganaysa.

Waxaanu mid ka mid ah madaxda shirkadaasi oo warbaahinta u sheegay in ciladaasi ay ahayd dhinaca qalabka caga dhigashada, isaga oo intaasi ku daray in dhammaan rakaabkii iyo shaqaalihii Diyaarada saarnaa ay badbaadeen oo aanay wax dhibaato ahi soo gaadhin, arrinta aadka u layaabka badan ayaa noqotay in markii dhibaato noocan oo kale ahi ku dhacdo Diyaaradaha uu ka kici jiray dab isla markaana ay adkaan jirtay sida loo badbaadiyo dadka saaran, laakiin ma jiro wax dab ah oo ka kacay.