Dhisme London Ku Yaallay Oo Dumay iyo In ku Dhaw 77-Qof oo ku dhaawacantay
London:20-Dec-2013(SDN)-Inta La Ogyahay 77-Qof, ayaa ku dhawaacantay oo 7- ka mid ah ay aad u daran yihiin,ka dib markii qeyb ka mid ah dhisme Theatre uu burburay Magaalada London ee dalka Ingiriiska,sida ay sheegeen ciidanka Boolisku.
Markii Dhismaha Theaterka uu bur buriyay ama soo dumay ayaa waxaa ku sugnaa dad aad u fara badan oo u soo daawasho tagay Ruwaad markaasi ka socotay gudaha dhismaha laakiin Jawi Farxad ku bilowday ayaa ku dhamaaday qeylo,iyo Baroor dadka ay sameynayeen, kadib markii uu dhismihii si weyn u dumay.
Goob Joogayaal ayaa maqlay Qeylo ka hor inta aanu burburin Dhismaha Theaterka,waxaana u muuqatay Qeyladaasi in Daawashada Ruwaayada Xamaasadeeda sare u kacday laakiin markii danbe ayaa laga war helay Mashaqada inay jirto oo dhismihiina dumay.
Mulkiilayaasha Xarunta Apollo ee Burburtay ayaa sheegay inay ka naxeen shilka,iyagoona cadeeyay inay baadhitaano socdaan.
Ilaa iyo hada lama oga sababta dhabta ah ee ka danbeysay waxaa sababay burburka dhismaha,inkastoo Boliiska wali ay wadaan Baadhitaano xaruntana la wareegay.
S.D.N