Dhimashada Iyo Dhaawaca uu Gaystay Roobkii Dabaylaha Watay ee Hargaysa ka Da’ay oo Kordhay AKHRI

Hargaysa, 13 June, 2016-(SDN/QJ): – Wararka hor dhac ah ee ka soo baxaya roobkii Xooganaa ee galabta ka da’ay Caasimada Hargaysa oo watay dabayl ayaa Sheegaya inay Sadex Qof ku dhintay 19 Qofna uu ka soo Gaadhay Dhaawacyo kala Duwani..
Inta badan Xaafadaha Caasimada Hargaysa ayaan Caawa helin Wax Koronto ah Kadib Markii roobku Jaray Xadhkihii Laydhka,Sidoo kale Waxay Ciladi ku timi Isgaadhsiinta Telefoonada oo Maqalkoodu liito.
Dhinaca kale Gudoomiyaha Degmada Axmed Dhagax ee Caasimada Hargaysa Naasir Caydiid iyo Madax kale oo Wehelisa oo Kormeer ku soo maray Degmadaasi ayaa noo Xaqiijiyey in Degmada Axmed Dhagax oo keliya ay ku Geeriyoodeen Laba Ruux oo kala ahaa Wiil yar oo Laagi qaaday iyo Nin Oday ah Waxa uu Gudoomiyuhu intaas ku daray in ilaa iminka ay ogaadeen in 70 Guri oo ku yaala degmadaasi uu roobkani qaarna dumiyey kuwa kalena Jiingadii ka qaaday.
Warku wuxuu intaas ku darayaa in Dhaawaca ilaa hada la xaqiijiyey uu dhan yahay 19 Ruux hasa yeeshee waxaa tiradaas ku iman kara isbedel Sida ay sheegeen Saraakiisha Caafimaadku.
Sidoo kale Bulshada ku dhaqan Caasimada Hargaysa ayaa looga digay inay ka Taxadiraan Biraha laydhka ee roobabku jareen kuwaas ee keeni kara inay dadka qabsadaan .