Dayuuradaha dagaalka Dalka Turkiga oo Duqeeyay Goobo xarumo u ah Ururka P.K.K. oo ku yaala woqooyiga dalka Ciraaq

Ankara 17. October 2017 (SDN/QJ):- Bayaan ka soo baxay Taliyaha Ciidanka dalka Turkiga ayaa lagu sheegay in Goobaha ay dayuuradaha Ciidanka Turkigu duqeeyeen ay ahaayeen Goobo ay ku tabobartaan xooggaga PKK  iyo bakhaaro ay saanada dhigtaan.

Bayaanku waxa uu intaa ku daray in hawl-galkan ay dayuuradaha Ciidanka Turkigu fuliyeen ka dib markii laga war helay in xooggaga PKK ay damacsan yihiin inay weeraro ku soo qaadaan fadhiisimada Ciidanka Turkey-ga ee ku yaala Xuduuda Turkigu la wadaago dalka Ciraaq.

Bayaanka Taliyaha Ciidanka Turkiga waxa kale oo lagu sheegay in Dayuuradaha hawlgalkan fuliyey ay ku soo noqdeen Fadhiisimadii ay ka kaceen iyaga oo bed qab.