Dawladda Maraykanka oo Dacwad Ku Oogtay Budhcad Internet-ka Ku Ugaadhsata oo Shiinaha u Dhashay

China 28. November 2017 (SDN/QJ):-Saddex Ruux oo Shiine ah, ayaa ayey Dawladda Maraykanku ku oogtay Dacwad, iyaga oo ay ku eedaysay in ay dhac dhanka macluumaadka ah Internet-ka uga geysteen Shirkado caalami ah.

Saddexdan ruux ayaa la sheegay in ay ka shaqeeyaan shirkad ammaanka internetka ka shaqaysa oo Shiinaha ku taalla, waxaana la sheegay in ay bartilmaameedsadeen shirkadaha Moody’s Analytics, Siemens iyo Trimble, sida ay sheegayaan eedaymaha loo soo jeediyay.

Waxaa lagu eedeeyay in ay adeegsadeen email lagu soo laray waxyaabo kombiyuutarada loogu dhaco iyo xeelado kale si ay u dhacaan macluumaadka ganacsiga ee sirta ah. Saddexdan ruux xabsi kuma jiraan, mana cadda in ay wali Shiinaha jiraan iyo in kale.

Eedaymaha faderaalka ayaa ka furmay Pittsburgh, Pennsylvania, waxaana lagu sheegay magacyadooda Yingzhuo, Dong Hao iyo Xia Lei waxaa kale oo la sheegay in leeyihiin shirkad ammaanka internetka ka shaqaysa oo ku taalla magaalada Guangzhou oo dhacda koonfurta Shiinaha.

Waxaa lagu eedeeyay in intii u dhaxaysay 2011 ilaa sannadkan ay qaadeen weerarro dhanka internetka ah oo “Abaabulan, sharcidarrana ah” iyaga oo jabsaday emaillo, ganacsiyo, macluumaad ganacsi, iyo xoggo muhiim ah oo shaqaalaha la xidhiidha.

Dacwad ooge Song ayaa sheegtay in waraaqda xidhitaanka loo jaray saddexdaas ruux, waxayna sheegtay in aanay jirin wax tilmaamaya in qorshahani uu ahaa wax ay dawladdu wadatay.

Shirkadda Shiinaha laga leeyahay wali kama aysan hadlin arrintan. Dacwad oogeyaashu waxay sheegeen in dacwadan la soo gudbiyay bishii Sabtembar dawladda Shiinuhuna ay ogtahay.