Dalka Iiraan oo sheegey inay ku guulaysteen Tijaabinta Gantaal Cusub oo ridadiisu ay tahay Laba kun  oo kilo mitir, kaasi oo qaadi kara Madaxyo dhowr ah DAAWO

Tehran 24. September 2017 (SDN/QJ):- Muuqaalo uu sii daayey Telefishanka Rasmiga ah ee dalka Iiraan ayaa muujinaya tijaabinta Gantaalkaasi  hase ahaatee  telefishanku Ma sheegin taariikhda Gantaalkaasi Cusub oo loo bixiyey “Kharmashahar” taariikhda la tijaabiyey.

Gantaalka Khoramshahr ayaa marka hore lagu soo bandhigay dhoolatus milateri oo lagu qabtay magaalada Tehraan. Waxa uuna gantaalkan awoodaa inuu xambaaro bambooyin nooco kala duwan leh, sida lagu sheegay TV-ga qaranka ee Press TV.

Mareykanka ayaa bishii July ee sannadkan ku dhawaaqay cunaqabatayn cusub oo uu Iiraan ugu soo rogay barnaamijkeeda gantaallada ridada dheer iyo waxa uu ugu Mareykanku ugu yeedhay taageerada ay Iiraan u fidiso ururrada Argagixisada.