Dagaal markale ka qarxay duleedka Buuhoodle
Buuhoodle Jan 22,2012(qurbejoog.com)-Waxa saaka markale uu dagaal ka qarxay duleedka degmada Buuhoodle ee gobolka Togdheer oo maalmihii u danbeeyay ay isku horfadhiyeen ciidamada Somaliland iyo kuwa Jebhada SSC.
Dagaalkan oo ah mid culus sida ay dad degaaka ku nooli ku soo waramaayaan ayaa iminka socda saacadii u danbeeyay ee maanta.
Ma cada weli cida duulaanka soo qaaday iyo khasaaraha ka dhashay dagaalka aagas ka dhacaya markii labaad todobaad gudahii.
Dagaalka ayaa saaka ka qarxay aaga Sool-joogto oo ilaa 30km u jirta degmada Buuhoodle.
Labada dhan ee halkaa ku dagaalamaya midkoodna weli wax war ah kama soo saarin dagaalka haatan socda.
Qurbejoog-Buuhoodle