Dagaal Culus oo Ciidanka Puntland iyo Xoogagga Al-shabaab ku Dhexmaraya Gobolka Nugaal

Garowe (QJ/SDN) –Dagaal culus oo u dhexeeyay ciidamada Puntland iyo xoogag ka tirsan Al-shabaab oo dhawaanahan ku sugnaa deegaanno ku yaalla xeebaha-bari ee Puntland ayaa goor-dhow ka qarxay deegaanka Garmaal oo ka tirsan degmada Eyl ee gobolka Nugaal.

Wararka aanu ka helayno  Gobolka Mudug ee Puntland ayaa ku warrramaya inay dagaalladu billowdeen markii ciidamada Puntland ay weerar ku qaadeen xoogaga Al-shabaab ee deegaankaas ku sugnaa tan iyo habeen hore.

“Muddo kooban ka hor ayaa waxaa dagaal culus oo ciidamada Puntland iyo Al-shabaab u dhexeeya ayaa goor-dhow ka qarxay deegaanka Garmaal oo ka tirsan degmada Eyl ee gobolka Nugaal,” ayuu yidhi wariye ku sugan gobolka Mudug.

Illaa hadda lama oga khasaaraha rasmiga ah ee dagaalkan ka dhashay, iyadoo dagaalkan uu imaanayaa iyadoo ciidammo fara badan oo ka Puntland ay saaka u Ruuqaansadeen dhanka deegaannada ay Al-shabaab soo galeen.