Dagaal Ballaadhan Oo Haatan Afgoye Ku Dhex Maraya Garabyo Ka Tirsan Ciidanka Militariga Somalia

Afgoye:22-Dec-2013(SDN)-Degmada Afgooye ee Gobolka Shabeelada Hoose ayaa saaka la sheegayaa inuu dagaal cusub ka qarxay.

 

Dagaalka hadda ka socda degmda Afgooye waxa uu u dhaxeeyaa ciidamo ka wada tirsan dowladda, sida ay sheegayaan dadka deegaankaas deggeni, waxana lagu wadaa inuu dagaalkaasi sii ballaadho,maadaama inta badan dagaalka Ciidanka dhexdiisu keeno dhimasho fara badan.

Labadan dhinac ee haatan is dilaya ayaa ah garabyo ka tirsan militarig soomaaliya, waxana wararka haatan ka imanayaa goobtaasi sheegayaan in wali dagaalku socdo.

 

 

Dagaalkan oo ilaa hadda aan la aqoon sababtiisa, waxaase jirtay in ciidanka Millateriga ay isku qab-qabsan jireen lacagaha laga qaado gaadiidka waxaan jirta in weli gobalkaasi deegaanno kamid ah ay ka taagan tahay colaadda u dhaxeysa beelaha walaalaha ah.

Sida muuqata  dagaalkan ayey sababtiisa leedahay xasilooni la’aanta uu keenay dagaalka Labada Beelood ku dhex marayaa Goboladaasi, waxana haatan sii kordhaya  kala fogaanshaha labada dhinac eek u aaddan dagaalka oo aan wali cidi ku dhex gelin lugana kala calaf qaadin.

 

 

 

S.D.N

Contact@somalidiasporanews.com