Dad Rayid ah oo Biyo la’aan iyo Gaajo ugu geeriyooday deegaano hoostaga gobolka Gedo

Baardheere March 14 2013 (SDN)– Dad Rayid ah ayaa Biyo la’aan iyo Gaajo ugu geeriyooday deegaano hoostaga Gobolka gobolka Gado ee Koofurta Soomaaliya.

Wararka ka imaanaya degmada Baardheere ee gobolka Gedo ayaa waxa ay sheegayaan in Labo Ruux oo mid haween tahay ay Biyo la’aan ugu geeriyoodeen deegaan hoostaga Magaalada Baardheere ee gobolka Gedo.

Mid kamid ah dadka deegaanka oo Telfoonka noogu warmay ayaa waxa uu sheegay in Biyo la’aan iyo gaajo ay ka jirto deegaano hoosta gobolka Gedo ee Koofurta Soomaaliya taasi oo ka dhalatay xiisado dagaal oo ka taagan halkaasi.

Dhibaatada ka taagan gobolka Gedo ayaa waxa ay salka ku heysaa xiisado dagaal oo ka taagan gobolkaasi iyadoo dhinacyada ku dagaalamaya ay xireen dhamaan wadooyinkii soo galayay deeganada dhibtaadu hada ka jirto taasi oo keentay in dadka deegaanadaasi ku dhaqan ay biyo la’aan iyo gaajo u geeriyoodaan.

SDN-Muqdisho