Daawo:Xisbiga Waddani UK oo Xaflad soo dhawayn ah u sameeyay DR Mustafe C/laahi Kaydsane oo ka mid ah Masuuliyiinta Xisbiga Waddani ee Heer Qaran.

London23Mar15(SDN/QJ)Xisbiga Waddani UK ayaa Xaflad soo dhawayn ah u sameeyay, Dr Mustafe
C/laahi Jaamac Kaydsane oo dhawaan ka yimi Dalka Jamhuuriyadda
Somaliland, kana mid ah Xubnaha Sarsare ee Xisbiga Waddani.

Kulan kan oo ay soo qaban qaabiyeen Xisbiga Waddani UK ayaa waxa kasoo
qayb galay, Masuulin ka mid ah Xisbiga waddani  Qaaradda Yurub,Gudida
UK iyo Xubno kale oo tira badan oo ka mid ah Xisbiga Waddani.

Masuuliyiinta iyo hawl wadeenada Xisbiga Waddani ayaa dhamaan tood ka
waramay, waxyaabaha u qabsoomay Xisbiga waddani, iyada oo laanta UK ee
Xibiga Waddani ay noqotay tan ugu waxqabad badan marka ay noqoto
Xisbiga Waddani laamaha uu ku leeyahay Waddamada Qurbaha.

Waxana dhawaan shir dhinaca Telifoonka oo uu yeeshay Xisbiga Waddani
Todobaadkii aynu kasoo gudubnay oo ay kasoo qayb galeen dhamaan
Masuuliyiinta Xisbiga waddani, loo aqoonsaday Hormoodka laamaha
Xisbiga, in ay tahay Laanta UK oo iyadu ugu horaysa dhinaca wax
qabadka in ay tahay laanta UK halka ay kaalinta labaadna ku jirto
Laanta USA.

Xisbiga Waddani ayaa  ah kan ugu Xoogan marka ay noqoto waddamada
Dibadda isaga oo haatan ah kan ugu Baaxadda weyn Qaaradda Yurub,
Waxana uu badiba  Xafiisyo Kasamaystay Waddamada Qaaradda Yurub.

Dhinaca kale Dr Mustafe C/laahi Jaamac Kaydsane, ayaa warbixin dheer,
ka bixiyay Xaaladda Guud ee Dalka Somaliland haatan ku sugan
yahay,hadday tahay mid Amni, dhacaale iyo Nololeedba,waxana uu aad ugu
Nuuxnuuxsaday, Sida uu u korayo Xisbiga Waddani , iyada oo maalinba
maalinta kadanbaysa ay kusoo biirayaan Hormuudka Dalku.

Ugu danbayntii Xafladdan ayaa ku dhamaatay Jawi aad iyo aad u wanaagsan.