Daawo Kulan ka dhacay Galbeedka London laguna sii sagootinaayey Emb:Cabdifataax Siciid Axmed,Lataliyaha Madaxweynaha Somaliland ee Arimaha Haayadaha Caalamigaa…

london16Feb15(QJ/SDN)Kulan ka dhacay Galbeedka London laguna sii sagootinaayey Siyaasi Cabdifataax Siciid Axmed lataliyaha Madaxweynaha Somaliland Axmed Siilaanyo ayaa waxa kasoo qayb galay qaar ka mid ah bulsha weynta reer Somaliland ee ku nool dalkan Ingiriiska gaar ahaan magaaladda London. Kulanka oo ay kasoo qayb galeen madax ka tirsan ururada bulshada ee Somaliland sida SSUK,Saxafadda,Haween,siyaasiyiin ayaa waxa ugu horeyn hadalo kasoo jeediyey qaar ka mid ah Haweenkii xafladda Soo abaabulay  oo ugu horeyn aad usoo dhaweeyey dhamaan dadka kasoo qayb galay kulanka ,una sheegay in ujeedada kulankani yahay sii sagootin masuul ka tirsan xukumadda Somaliland Mudane Cabdifataax Siciid Ahmed.

Waxa kale oo ha hadlay masuuliyiin iyo odayaal sidasoo kale ma tirsan bulshada reer Somaliland ee dalkan ingiriiska oo dhamaantood xaflada sii sagoontinta hadalo qiimo badan ka jeediyey, Waxaana ka mid ahaa Siyaasi Maxamed Ibrahim Qabo,Gudoomiyaha SSUK Cabdale Saalim iyo qaar kaloo badan.Ugu danbeyntii waxa hadalo  kasoo jeediyey Siyaasi Cabdifataax Siciid Axmed oo ah lataliyaha Madaxweynaha Somaliland ee arimaha hayadaha caalamiga waxa uuna ugu horeyn aad ugu mahadceliyey dhamaan intii soo abaabushay kulankan aad ka u balaadhan,waxa uuna madalo kooban kaga waramay intii uu dalkan Ingiriiska joogay iyo kulamo caalamiya oo uu ka qayb galay  meelo kala du-duwan oo ka mid ah dalkan Ingiriiska,waxa uuna ugu danbeyn kula taliyey shacabka reer Somailand in ay arimaha Somaliland mid ka noqdaan oo gacmaha is qabsadaan si aynu guul u gaadhno. Kulanka oo aad looga hadlay la soco muuqaal…

XAFIISKA WARARKA QURBEJOOG/London