Daacish Oo Markale Soo Ridday Diyaarad Duqaymo Ku Haystay Fadhiisimadooda, Gacantana Ku Dhigtay Duuliyihii Iyo Caawiyayaashiisii
Idlib:Mar,24,2015(SDN/QJ)-Islaamiyiinta Daacish, ayaa Markale dhulka soo dhigay Diyaarad duqayn ku Haysay Deegaanada ay maamulaan ee Gudaha Waddanka Syria, waxana ay Gacanta ku dhigeen Duuliyihii iyo Xubno Caawiyayaal u ahaa.
Goobta Diyaaraddan lagu soo riday, ayaa ah Magaalada Idlib, waxana Nooca Diyaaraddan lagu sheegay Helicopter,iyadoo la sheegayo inay xilligaas ku jirtey Hawlgallo duqayn ahaa.
Diyaarada ayaa kusoo dhacday Galbeedka Buurta loo yaqaan “Jabal al-Zawiya” ee magaalada Idlib, waxaana ku qamaamay Dagaalyahannada halkaas ku sugnaa, lo gacanta ku soo dhigay duuliyihii iyo ciddii kale ee la socotay.
Warbaahinta ku hadasha afka doowlada Syria ayaa xaqiijisay in diyaaradaas soo dhacday, iyagoona ku micneeyay cilad farsamo inay sabab u ahayd soo dhicisteeda.
Daacish ayaa hore usoo riday dhowr diyaaradood oo kuwa dagaalka ah, waxaana la wada xasuustaa dhacdadii caalamka kawada argagixisay, kadib markii Daacish ay nolosha ku gubeen duuliye u dhashay Jorday, kaasoo qeyb ka ah howlgalka ciidamada huwanta ee uu Maraykanku hogaamiyo.
SDN/QJ
Contact@somalidiasporanews.com