Ciyaaryahanka Ugu Qaalisan Dunida Oo Guttay Waajibka Cumarada !

Makka 31. May 2017 (SDN/QJ):- Ciyaaryahanka ugu qiimaha Qaalisan Dunida ee ka ciyaara kooxda Manchester United asal ahaana ka soo jeeda Dalka France ee magaciisa la yidhaahdo Paul Pogpa ayaa waxa uu gutay waajibka Cumrada ee Sanadkan 1438 ee Hijriyada.

Ciyaaryahankan ayaa waxa uu soo bandhigay muuqaal uu iska duubay isaga oo ku sugan gudaha xaramka barakaysan, waxaanu si toos ah u sheegay inuu aad ugu faraxsan yahay Waajibkaa diiniga ah ee uu soo gutay, isaga oo sheegay inuu Ilaahay ugu Mahad naqayo Nimcada Islaamka ee uu siiyay.

Ciyaaryahankan ayaa noqday Ciyaaryahankii ugu qiimaha qaalisana ee soo maray Taariikhda kubbada cagta waxa aanu ugu soo wareegay Kooxda Manchester qiimo dhan 105 Millyan oo Euro waxaanu ka ciyaari doonaa kooxdaasi muddo shan sano ah.