Ciidanka Ilaalada Xeebaha Somaliland Oo Gacanta Ku Dhigey Markab Hub U Sidey Dalka Somaliya

Hargaysa 10. April 2017 (SDN/QJ):-Ciidanka Ilaaladda xeebaha Somaliland ayaa lagu soo warramayaa inay gacanta ku dhigeen Markab Hub u siday Somaliya oo ka soo kicitimay dalka Jabuuti.

Illaa hada war sugan lagama hayo halka uu markabkani joogo, hase yeeshee wararka uu Wargayska Waaheen helayo waxa ay sheegayaan in ciladi ku timi isagoo maraya biyaha badda Somaliland, sidaas awgeedna ay ciidanka ilaalada Xeebuhu ugu baxeen.

Warar is khilaafsan ayaa ka soo baxaya warka la xidhiidha Markabkan, waxaanay qaarkood sheeegayaan in loo soo jiiday dhinaca Berbera, halka warar kale-na ay sheegayaan in Somaliland iyo Jabuuti ka wada hadleen markabkan, isla markaana loo jiiday dhinaca Jabuuti.

 

Markabkan ayey ku rarnayd Saanad Milatari oo ay dawladda Jabuuti u waday ciidamadda ka jooga Somaliya, kuwaas oo maalmahan danbe kooxda alshabaab ku haysay weeraro joogto ah, kadib markii ay ka baxeen deegaanada ay ku suganaayeen ciidamo Itoobiyaan ahi.

 

Lama oga Heshiiska ay Somaliland ku sii daysay Markabkan Hubka ahaa ee biyaheeda ku dhex xumaaday, hase yeeshee sida xogta aanu ku helayno isla markiiba waxa ka wadahadlay madaxda labada dal.

 

Markabkan waxa laga leeyahay Somaliland sida xoguhu sheegayaan, hase yeeshee waxa kiraysatay Dawladda jabuuti si uu Hub ugu geeyo Somaliya.

 

illaa hadda labada dawladood kamay hadal jiritaanka warkan.