Ciidamada Isreal oo dad Falastiiniyiin ah ku dilay Daanta Galbeed
Daanta-Galbeed March 13 2013 (SDN)—Wararka ka imaanaya dhulka Falastiiniyiinta ayaa sheegaya in Ciidamada Maamulka Israel ay dad rayid ah ku dileen Daanta Galbeed kadib Rabshado ka dhacay halkaasi.
Saraakiisha Caafimaadka Falastiiniyiinta ayaa sheegay in Ciidamada Israel ay dileen Maxamed Altiti oo ka tirsanaa dadka Falastiiniyiinta, waxaana ay intaasi ku dareen in 8-ruux oo kale ay dhawacmeen.
Dilka iyo dhaawacan loo geystay dadka Falastiiniyiinta ah ayaa waxaa la sheegay in ay ka dhacday Xirada Fuwar oo u dhaw Daanta Galbeed, waxaana Mas’uuliyiin Falastiiniyiinta u hadashay ay sheegeen in ciidamada Israel ay si gardaro ah dadkaasi u dileen.
Afhayeen u hadlay Ciidamada Israel ayaa waxa uu sheegay in la baarayo arrintani laakiin aysan ka warheyn tacadiyo ay Ciidamadoodu ka geysteen dhulka Falastiiniyiinta.
Arrintan ayaa ku soo aadeysa xilli la qorsheynayo in Madaxweynaha dalka Maraykanka Brack Obama uu booqasho ku tago Bariga dhexe islamarkaana uu la kulmo hogaamiyaasha Israel iyo Falastiiniyiinta.
SDN-Daanta-Galbeed