Christiano Rolando oo Qarka u Saaran Inuu Ku Guuleysto Abaalmarinta Ballon d’Or.(By Jaahuur)
Stockholm-Sweden-Nov-21-2013-(SDN)-Saaxiibayaal qormdadeena ciyaaraha waxaynu ku soo qaadaneynaa xiddigii reer Portugal iyo Real Madrid Christiano Rolando oo qarka u saran inuu ku guuleysto Abaalmarinta Ballon d’Or,markii uu ciyaartii dhex martey xulkiisa iyo xulka Sweden boodhka iska jafey.
Xulka Portugal ayaa labadii kulan kana tirsnaa isreebreebka kubadda cagta aduunka 1-0 iyo 3-2 uga badeiyey xulka Sweden marka goolash la isku celceliyo 4-2 xulka Portugal ku soo baxdey.
Aad ayaanu uga fiicneyn ciyaatii ugu horeysey iyo kii labaadba boqolkiiba boqolna waanu qanciney,sidaana waxaa ka dhawaajiyey Christiano Rolando.
Haddaba Sepp Blatter waa madaxa Fifa-e iyo Rolando ayaa baryahandambaba ereyo kulul is weydaarsanayey hawada,mar laga weydiiyey farxaddiisa wuxuu Rolando ku jawaabey waxay laf dhuun qabatey ku tahay Blatter.
Haddii aynu yara jaleecno ciyaartii ka dhacdey Stockholm oo ahayd lugtii labaad oo aan waxba la isu reeban ayaa 5-tii gool ee dhashey waxaa is weydaarsadey labadii kabtan ee labada xul waa Rolando iyo Ibrahimvic.
Daqiiqadii 49-aad ee ciyaarta qeybteedii dambe ee ciyaarta ayaa Rolando goolkii ugu kaga naxsadey xulka Sweden,laakiin daqiiqaddii 67-aad waxaa u jawaabey Ibrahimvic kii labaadna u raaciyey daqiiqaddii 71-aad,fari kama qodna faanoole daqiiqadii 76-aad Rolando ayaa u jaawab celiyey,kii qalibi jabkana wuxuu u raaciyey daqiiqaddi 78-aad.
Haddaba abaalmarintan Ballon d’Or iskuna haystaan Messi iyo Rolando ayaa loo badinayaa inuu ku guuleysto Christiano Rolando,bal aynu eegno January 13-da 2014 oo lagu kala bixi doono.
W/Jaahuur
SDN