Chalsea oo Wadnaha Farta Ku Haysa Markii Sunderland 2-1 Ku Khaarijisey.(By Jaahuur)

London- 19-April-2014-(SDN) Akhyaartay qormadeena ciyaaraha waxaynu maanta ula kacaynaa xagaa iyo cariga Ingiriiska oo horyaalkii (Premier League) aan la garaneynin meesha uu u jihaysandoono.

Saaxiibayaal horyaalka Iingiriiska ayaa si habsami ah u socda,walow aay naadiyada Liver pool,Chalsea iyo Man City aay qooorta iskula jiraan oo aan la sadaalin karin kooxdii ku guuleysan lahayd.

Haddaba ciyaar aad u xiisa badneyd ayaa  maanta ka dhacdey garoonka weyn ee naadiga Chalsea (Stamford Bridge) waxaana foodda isla galey Sunderland iyo Chalsea.

Ciyaarta oo ku bilaabantey weer badan labada kooxood isku qaadayeen,walow Chalsea dooneysey iney badiso dhaaftana Liver Pool oo 77-tan dhibcood ku hogaamineysa Chalsea-na uruursatey 75-dhibcood.

Qeybtii hore ee ciyaarta daqiiqaddii 12-aad ayaa Chalsea goolkii ugu horeeyey waxaa kaga farxiyey xiddigga reer Camiruun Eto’o,Laakiin Sunderland oo horyaalka xagga dambe kaga jirta ayaa guulkii bar-bardhaca waxaa boodhka kaga jafey daqiiqaddii 18-aad Wickham,waxaana lagu kala nastey 1-1.

Qeybtii damabe ee ciyaarta daqiiqaddii 81-aad Sunderland waxay nasiib u yeelatey iney hesho rigoore ama Penelty waxaana u saxeexay Borini,90-kii ciyaarta loogu tala galey waxay ku dhamaatey Sunderland 2 Chalsea 1.

W/qorey Jaahuur

SDN

jjaahuur@hotmail .com