Ceel biyood laga hirgeliyay xarun agoonta ah oo dhismaheedu uu ka socdo Burco

Burco 05.Sep 2013 (SDN)- Ceel biyood riig ah ayaa waxaa laga hirgeliyay xarun loogu talagalay daryeelka agoonta oo dhismaheedu ka socdo magaalada Burco.

Guddoomiyaha degmada Burco, Axmed Xaaji Cabdullaahi Xamarji oo hadal ka jeediyay furitaankii ceelka ayaa u mahadceliyey dadkii ku deeqay dhaqaalaha ku baxay ceelka.

Xamarji ayaa Soomaalida ku sugan dalka iyo dibaddaba ka codsaday inay ka qeyb-qaataan dhammeystirka dugsiga la doonayo in lagu daryeelo agoonta.

Amaal Cali oo ka mid ah dadka isu xilqaamay hirgelinta dugsiga, kana mid ah qurbe-joogta ayaa sheegtay inay ku dadaalayaan dhammeystirka dugsiga, waxayna codsatay in laga qeyb-qaato.

Ceelka oo dhererkiisu yahay 180 mitir ayaa waxaa laga soo saaray biyo macaan oo leh isticmaal wanaagsan.

Burco SDN,

Qurbejoog.com