Budhcad Hubaysan oo Habeenkii xalay Gaadiid Gargaar siday Ku Gubay Duleedka Boosaaso

Boosaaso:7-Aug-2013 (SDN)Kooxo hubeysan oo aan la Aqoonsan cidda ay yihiin,  ayaa Habeenkii xalay gubay Gaadiid raashin Gargaar u siday Gobolka Mudug kaasi oo ay lahayd hay`ada WFP lana doonayay in lagu caawiyo qoysas ku sugan Deegaano ka mida Gobolkaasi

 

Deeganka Yalho oo u dhow Magaalada Boosaso ayaa lagu soo waramaya in xalay  lagu gubay labo Gaadhi oo kuwa Xamuulka ah kuwaasi oo  ka soo Baxay Dekada magaalada Boosaaso  iyagoo Xamuul sida Dad Tabaalaysan.

 

Wadayaasha Gaadiidka iyo rakaabka oo laga dajiyay gawaadhida ayaa wararka waxa ay sheegayaan in ay baxsadeen qaar ka mid ah halka kuwa kalana aan la ogeyn halka ay ku dambeeyaan.

 

Wararku waxa uu intaas ku darayaa in Dadka ay Baadheen isla markana ay ka qateen Mobaylo iyo Lacag iyagoo Rakaabkii Gaadhiga Indhaha ka Xidhay, waxaana Ragga ka Cararay ay Sheegen in Dadka sidaas sameyeey ay wateen Dharcad iyo Tuutaha ciidamada.

 

Wali wax war kama soo bixin Maamulka magaalada Boosaaso hase ahaatee deegaankaasi, ayaa waxaa marar kala duwan lagu arkay maydka askar ka tirsan ciidamada Puntland oo aan la garanayn cidda dishay.

 

 

Somalidiasporanews.com