Brazil Iyo Germany oo u Soo Ruqaansadey(Semi Final-ka) & Barcelona oo Iibsatey Zuarez Dul Dhigteyna 80 Million (Pound) By Jaahuur)
Brazil-04-July-2014-(SDN) Akhyaartay qormadeena ciyaaraha waxaynu ku soo qaadaneynaa koobka kubadda cagta ee aduunka ee ka hilaacaya daalkaa Brazil iyo France & Colombiya oo shandadahoodii xidhxidhey iyo naadiga Barcelona oo Liver Pool ka iibsatey xiddigii reer Uruguay ee akhlaaqda xumaa kuna sifoobey inuu qaniino ciyaartooyda,waxyna dul dhigtey 80-Million oo lacagta Ingriiska.
Haddaba haddii aynu jaleecno ciyaartii dhexmartey Jarmalka iyo Fransiika oo runtii ahayd ciyaar u xiisa badan ayaa qeybtii hore lagu kala nastey Germany-1- France-0.
Qeybtii dambana waxba la iskuma salaaxin,90-kii daqiiqo ee ciyaarta loogu talagaley waxaa lagu kala faraxashey Germany oo hal gool sagootisey France,Germany waxay isku baabi doonaan Brazil oo Colombia Ka soo badisey(Semi Finals)
Ciyaartii kale ee xamaasadda badneyd waxaa hilfaha isku qaadey oo la wada sugaayey Brazil iyo Colombia waxaana ka soo qeybgaley dadweyne iyo taageerayaasha labada dhinc oo caga cageenaya 75,000.
Qeybtii hore ee ciyaarta daqiiqaddii 7-aad waxaa goolkii ugu horeeyey Brazil kaga farxiyey Silva(Captain) qeybtii labaad ee ciyaarta daqiiqaddii 69-aad waxaa goolkii rajodarada u labeeyey Brazil David Luiz,Colombiya daqiiqaddii 80-aad waxay la timid Rigoor (Penaalty) ciyaartana 90-daqiiqo waxaa lagu kala baqooley Brazil-2- Colombia-1.
Semi Final-ka waxaa isu Miciyalisanaya Germany oo ka soo badisey France Iyo Brazil oo samirsiisey Colombia.
W/qorey Jaahuur
SDN