Booyado Aad U Badan Oo Shiidaal Naafto Ka Qaaday Haamaha Shiidaalka Berbera Oo Dib Usoo Celiyay Iyo Naaftadii Oo Gaas & Biyo Isdhex Yaacaya Isubedeshay
Berbera, March 22, 2016 (SDN/QJ) – Guud ahaan booyadii shiidaalka Naaftada ah shalay ilaa maanta ka qaaday haamaha shiidalka Berbera ayaa dib usoo celiyay shiidaalkii haamaha lagaga dhaamiyay iyaga oo sheegay in shiidaalkii naaftada loogu sheegay isu bedelay gaas iyo biyo isdhex yaacaya.
Waxaana Shalay galinkii danbe ilaa Xalay fiidkii kusoo qulqulaayay agagaarka haamaha shiidaalka Berbera booyado tira badan oo kasoo kala laabtay guud ahaan gobolada dalka kadib markii ay isticmaaleen shiidaalkii naaftada ay ugu sheegeen masuuliyiinta shirkadaha haamaha maamulaa mishiinadii iyo gaadiidkii lagu shubayna wada duqeeyeen dhibaato weyni ka dhalatay.waxaana agagaarka haamaha shiidaalka buux dhaafiyay boqolaal booyadood oo dib usoo celiyay shiidaalkii naafto ahaan looga iibiyay oo isubedelay gaas iyo biyo isdhexyaacayabg
Guray Quule oo kamida darawaliinta booyadaha shiidaalka una shaqeeya kaalinta Tawakal Fuel staation ee Hargeysa ee soo celiyay naaftada loogu sheegay ee gaasta iyo biyaha isdhex yaacaya isubedelay ayaa Shabakada Wararka ee berberatoday.com usheegay inay markii ay naaftada shuba is yidhaahdeen ay arkeen inaanay waxa ay shubayaaan naafto ahayn ay tahay gaas iyo biyo sidaasna ay kusoo celiyeen, waxa kaloo uu Guray quule intaas kudaray in markii maanta shiidaalka lagu shubaayay uu ka shakiyay in aanay waxa lagu dhaaminayo booyadiisa aanay ahayn naafto una sheegay Maareyaha haamaha shiidaalka balse waxa uu sheegay inuu ugu jawaabay inuu xafiiska uga baxo hadii kale uu xidhi doono imika markuu hargeysa kasoo laabtayna uu haamaha hortooda la taagan yahay ilaa hada aanay cid ka tirsan maamulka haamaha oo la hadashayna aanay jirin.
Maxamed Cilmi Dirimara oo isaguna kamida darawalinta booyadaha ee Kaalinta Shiidaalka Star ayaa isaguna warbaahinta usoo bandhigay gaas uu kasoo shubay booyada uu wado isaga oo sheegay inay kala kulmaan haamaha shiidaalka hadiyo jeer hanjabaad iyo caga juglayn marka ay ka cawday shiidaalka xun ee baryahan danbe haamaha laga dhaaminaayay waxaanu darawalkani sheegay in baryahanba naaftada ay haamaha shiidalka Berbera ka qaadaan ahayd mid aad uliidata oo biyo iyo gaasba leh balse imika ay kasii dartay oo xitaa kaalmihii lawada haysto oo baabuurtii lagu shubay wada duqeeyeen.
Dhinaca maamulka haamaha shiidaalka Berbera oo aanu iskudaynay in aanu arinkan waxa ka weydiino ayaanan ka helin jawaan saxa kadib markii ay qaban waayeen maamulka Haamaha shiidaalku tilifoonadooda gacanta.
Naafatadan gaasta iyo biyaha isubedeshay ayaa noqonaysa faashilkii ugu weynaa ee lasoo darsa shirakadaha Maamulka haamaha kaydka shiidaalka lasoo darsay iyada oo haba yaraatee aanay jirin wax dana oo ay dalka iyo dadkaba ka leeyihiin shirakadaha haamaha shiidaalka la wareegay.
Sidoo kale waxa isna meesha kabaxay shaybaadhkii lacagta badan uu ku lunsaday wiilka uu Madaxweyne Siilanyo sodoga uyahay ee xukumaduna hore usheegtay inay dalka keentay mishiin shaybaadh ah oo shiidaalka tayadiisa sifiican u eegaya dalkana aanu shiidaal danbe oo xun aanu iman dooni hadalkaas iyo maaliyada faraha badan ee shaybaadhkaas lagu qaatayna waxa uu noqoday been aan sal iyo raadtoona lahayn.
Booyadihii ayaa ilaa hada haamaha hortooda hoganaya iyada oo aan la garanayn in laga celin doono shiidaalka iyo kale waana fadeexad aad uqara weyn oo la soo daristay shirkadaha maamulka haamaha ;la wareegay