Booliska Puntland oo qaaday hawgal ka dhan ah gubida dhirta

Bosaaso November 29, 2024(QJ) – Ciidamada Booliska Puntland ayaa howlgal lagula dagaalamayo gubista dhirta iyo dhuxusha ka sameeyay deegaano ka tirsan degmada SHAXDA ee gobolka Karkaar.

Warbixin uu soo saaray Taliska Booliska Puntland ayaa lagu sheegay in howlgalkaasi lagu burburiyay 15 god oo ay ka sameysteen kooxaha dhuxusha ka sameeya deegaano ka tirsan degmada SHAXDA ee gobolka Karkaar.

“Boolisku waxay burburiyeen in ka badan 15 god, iyagoo sheegay in tani ay qayb ka tahay dadaallada looga hortagayo waxyeellada deegaanka,” ayaa lagu yiri warbixinta booliiska Puntland.

Taliska Booliska Puntland ayaa sidoo kale warbixintooda ku sheegay in howlgalka lagu soo qabtay saddex maxbuus oo ka mid ahaa kooxihii gubayay dhirta, isla markaana sameeyay 15-ka godadka dhuxusha.