Bidaarta Oo La Ogaaday In Laga Dhaxlo Dhinaca Hooyada !

Hargaysa 21. February 2017 (SDN/QJ):-Deraasad cusub ayaa cadaysay in Bidaarta laga hiddo raaco Hooyada, taasi oo macnaheedu yahay dhinaca Abtiyaasha, waana arrin ay Soomaalidu hore aaminsaneyd.

Khubaro ka tirsan jaamacadda Edinburgh ayaa cadeeyey in qofka bidaarta lihi uu ka dhaxlo Gens-ka Bidaarta ee ehelka hooyadii ee aanu ka dhaxlin ehelka Aabihii.

Derasaaddan oo intii ay socotay lagu baadhay 52,000 qof ayaa lagu ogaaday DNA-gooda in xaqiiqadu tahay in ehelka dhinaca Hooyada.

Saskia Hagainarz oo hor kacaysay khubarada soo saaray deraasaddan ayaa wareysi ay siisay wageyska Mitro ee ka soo baxay Dalkaasi Britain oo Wargeyska Himilo tarjumay waxay tidhi  “Waxa aanu xaqiijinay in raggu ay bidaarta ka dhaxlaan hooyooyinkood, waxaana sabab u ah arrintaasi Chromosome-ka X ee ay raggu ka dhaxlaan hooyooyinkood”.