Barnaamij Laga Sameeyay Dhaam Biyo Xidheen ah oo ay Imaaraadka Carabtu Ka Hirgaliyeen Deegaanka Xunbo weyne DAAWO

Hargaysa 27. April 2017 (SDN/QJ):- Muddo kooban ayaa lagu dhamaystiray Dhamka Xubmo weyne oo uu madaxweynaha Jamhuuryadda Somaliland, Mudane Axmed Maxamed Silaanyo dhagax dhigay, soona kormeeray intii uu socday mashruucaasi, iyadoo maanta uu madaxweyne ku xigeenks Somaliland, Mudane Cabdiraxmaan Cabdilaahi Ismaaciil (Saylici) si rasmi ah xadhiga uga jaray mashruucaasi oo ay dawladda Imaaraadku ugu deeqday Somaliland.

Dhaamkan ayaa ka danbeeyay Ka dib codsi uu madaxweyne Axmed Silaanyo u gudbiyey dalka Imaaraadka, waxaanu dhamaystirka mashruucani hordhac u yahay laba dham oo kale oo iyana dhawaan la filayo in la bilaabo, isagoo tusaale fiican u noqday kan laas-deero kuwa hadhay oo ku dhamaaday muddo kooban, iyadoo laga gun gaadhay ujeedadii laga lahaa oo ahayd in la helo biyo keyd ah oo dalku u baahan yahay, lagana faa’iideeyo biyaha badda ku darsama ee dooxyada ka soo rogmada.