Baarlamaanka Soomaaliya oo ansixiyay xeerka ururada siyaasada

Muqdisho November 20, 2024(QJ) Xildhibaanada Baarlamaanka Federaalka ah ee Soomaaliya oo ka kala socday labada Aqal ayaa maanta kulan wadajir ah oo ay yeesheen waxa ay ku ansixiyeen sharciga dhismaha ururada iyo axsaabta siyaasadda ee Jamhuuriyadda.

Kalfadhiga ayaa la sheegay in ay soo xaadireen 177 mudane, iyadoo ay xusid mudan tahay in ay ka maqnaayeen inta badan xildhibaanada Jubaland iyo Puntland.

Dadkii ka soo qeyb galay ayaa si aqlabiyad leh ku meel mariyay sharciga, waxaana u codeeyay 177 mudane, mana jirin cid ka hortimid ama ka aamustay, sida uu xaqiijiyay hoggaanka baarlamaanka Federaalka.

Wasiirka Arrimaha Gudaha oo ka soo qayb galay kalfadhiga, ayaa u mahadnaqay labada gole sida ay u qaadeen tallaabo kale oo ku wajahan doorasho qof iyo cod ah.

Sabtidii, Baarlamaanka Federaalka ayaa sidan oo kale u ansixiyay sharciga lagu dhisayo Guddiga Madaxa Banaan ee Xalinta Khilaafaadka, iyadoo aqlabiyad aqlabiyad ah ay ka heleen labada Gole ee Shacabka iyo Aqalka Sare. Si kastaba ha ahaatee, mudanayaasha ka soo horjeeda shuruucdan ayaa ku andacoonaya in kooramku aanu ku filnayn, iyagoo ku andacoonaya in 120 xubnood oo keliya ay xaadir ku yihiin.

Qodobka hadhay waa sharciga doorashooyinka codbixinta caalamiga ah, kaas oo la filayo in la ansixiyo toddobaadkan.

Sharciyadani waxay ahaayeen isha la isku hayo. Fadhigii ugu dambeeyay ee baarlamaanka ayaa madaxweyne Xasan Sheekh Maxamuud waxa uu codsaday in muddo bil ah lagu kordhiyo si saddexda xeer loo dhameystiro.