Baadi-doon Hay’da FBI-da Maraykanku Ugu Jirto Nin Soomaali Ah Iyo Qiime Lacageed Oo Madaxiisa La Duldhigay
Washington:30,2015(SDN/QJ)-Shalay Khamiistii ayaa Hay’adda Sirdoonka Maraykanka ee FBI-du waxay ay liiska dadka ay raadinayso ku dartay Muwaadin soomaaliyeed oo haysta Dhalashada Dalka Maraykanka.
Muwaadinkan ayey Hay’adda Sirdoonka Maraykanku sheegtay inuu yahay nin Aqoon durugsan u leh Dhismayaasha Magaalooyinka New York iyo Washington ay ku leedahay dawladdu iyo waliba Garoomada Diyaaraduhu ka Hadaan.
Ninkan la doon doonayo oo lagu magacaabo Liiban Xaaji Maxamed ayey saraakiisha FBIdu ku sheegeen nin adeegsada magacyo kala duwan oo uu isku qariyo.
Maxamed ayaa ku noolaa waqooyiga Gobolka Virginia ee duleedka Washignton, isagoo taksiile ka ahaa sida ay sheegtay FBIdu.
FBIdu waxey sheegtay in intii uu Washington ku noolaa Maxamed uu ahaa qof al-shabab dhalinyarada u tashkiiliya, isla markaana uu taageero hiil iyo hooba leh u fidiyay al-Qacida iyo al-Shabab.
FBIdu waxey sheegtay inay aaminsantahay in Maxamed uu ka tagay Mareykanka bishii July sanadkii 2012kii, haatanna uu ku noolyahay bariga Africa isagoo la shaqeeya Al-shabab.
FBIda ayaa sheegtay inay ku bixinneyso abaal marin lacageed oo gaadheysa 50 kun oo dollar – xog kasta oo horseeda in la soo qabto oo cadaalada la hor keeno.
SDN/QJ
Contact@somalidiasporanews.com