Askar Britain u dhalatay oo Afgaanistaan lagu laayay
Kabul Mar 07,2012(SDN)-Lix ka tirsanaa ciidamada Ingiriiska ayaa ku dhintay dhinaca koonfureed ee wadankaasi Afgaanistaan , kadib markii gaadhi kuwa ciidamada ah ay saarnaayeen ay ku qaraxday bam jidka loosii dhigay.
Tirada askarta Ingiriiska ah eek u dhimatay wadanka Afgaanistaan ayaa haatan gaadhaysa 404.
Shilkan ayaa noqonaya kii ugu xumaa ee mar kaliya ay ku dhintaan tiro intaasi le,eg oo askar Ingiriis ahi tan iyo sanadkii2006-dii, xiligaasi oo 14 askari ay ku dhinteen dayuurad kuwa wax basaasa aheyd oo burburtay xiligaasi.
Raysalwasaaraha xukuumada Biritin ayaa dhimashada askartaasi ku tilmaamay maalin murugo u ah wadankiisa. Qaraxa ay ku dhinteen askarta Ingiriiska ahi ayaa ka dhacay gobolka Qandahaar oo ay oodwadaag yihiin gobolka kale ee Helmand.
SDN-Kabul