Ardaa-jiifkii Madaxweyn -aha Killalka Shanaad, Duugistii Geela iyo Dareenkii Xoolo-dhaqatada DAAWO
Yoocaale 21.Dec 2015 (SDN/QJ):- Madaxweynaha dawlad-deegaanka Soomaalida Killalka Shanaad ee waddanka Itoobiya Cabdi Maxamuud Cumar iyo Masuuliyiin Maamulkiisa ka tirsan, ayaa fuliyey tallaabo aad u farxad iyo cajab-gelisay Dadka Xoolo-dhaqata ah ee deegaanka Yoocaale, ka dib markii ay Reer-guuraaga Deegaankaas oo ay Riig-biyood u hirgeliyeen kula caweeyeen Ardaayada Xeryaha Xoolaha, isla markaana la seexdeen oo ay Marti ugu
Ka sokow hirgleinta Riig-biyoodka laga fuliyey deegaanka Dhiya oo Yoocaale ka tirsan oo Madaxweynuhu xadhigga ka jaray ama furay, ayaa waxa uu Madaxweynuhu beddelay qorshaha Weftigiisa oo ahaa in maalinnimadkaas la furay Ceel-biyoodka laga hirgeliyey Dhiya in Ceel-kaas la dul-sooxdo, isla markaana waxa uu u beddelay inay Ardaa-jiif noqdaan oo aanay Tuuladaas Guriyihii looga qorsheeyey in lagu marti-geliyo joojiyey inay seexdaan, taasoo Shacabka Xoola-dhaqatada ah ee deegaankaasi aad ula dhaceen.
Madaxweynaha Ismaamulka Soomaalida Itoobiya Cabdi Maxamuud Cumar, waxa uu sheegay in Roog cas oo lagu soo dhaweeyo iyo Guri Daar ah oo uu seexdo keliya aanay ahayn Madaxweyne-nimadu, hase-yeeshee ay muhiim tahay in qofka Masuulka ah ama Madaxweynaha ahi wax ka ogyahay nolosha kala duwan ee Shacabka ama Bulshada uu Madaxweynaha u yahay, sidaas awgeedna uu doonayo inuu wax ka ogaado ama dareemo nolosha Xoolo-dhaqatada, una kuur-galo xaaladohooda nololeed.
Cabdi Maxamuud Cumar oo Fadhiya Ardaaga Geela ee Duleed-ka Reer Reer-guuraa ah oo Xoolo Adhi iyo Geel-ba lihi ku soo hoydeen oo Caana-maal lagu jiro, ayaa la waraystay isaga iyo Guddoomiyaha Baarlamaanka dawlad-deegaanka Soomaalida Itoobiya iyo weliba sidoo kale qaar ka tirsan Dadka Xoolo-dhaqatada ah oo iyaguna ka warramay sida ay u arkaan in Madaxweynaha iyo Masuuliyiinta Maamulkooda Soomaalida ay la kulmaan, isla markaana ay Ardaaga la seexdaan iyo weliba Noloshooda.
Warbixinta Warkan oo dhammaystiran, isla markaana aad u xiiso badan oo dhinacyo badan taabanaysa iyo sida ama qaabka Reerkaas Xoolo-dhaqatada ahi u Marti-geliyeen Madaxweynaha iyo Weftigiisa, waxaannu idiinku soo gudbinaynaa oo aad kaga bogan kartaan Muuqaalkan Hoose ee Daawasho wacan oo wanaagsan:-