Alshabaab oo Cadaysay Dilka Hogaamiyahoodii,Bedelkiisina Shaaciyay

Muqdisho 06.Sep 2014 (SDN/QJ)- Kooxda Al-Shabaab,ayaa ku dhawaaqday isla markaana magacawday hoggaamiye cusub oo bedelaya ammiikoodii hore Axmed Cabdi Godane oo  kowdii bishan dawladda Maraykanku ku dishay duqayn dhanka cirka ah oo ka dhacday koonfurta Soomaaliya.

Kooxda Al-Shabaab oo illaa maalintii weerarka cirka lagu qaaday goobo ay ku sugnaayeen hoggaankooda sare ee  uu soo baxay wararka la xidhiidha dhimashada Axmed Cabdi Godane aan a hadal,ayaa goor dhaweyd shabakada Somalimemo oo inta badan wararkooda lagu baahiyo waxaa la soo galiyay warka ay kooxa Al-Shabaab ku caddaynayaan dhimashada Hoggaamiye Axmed Cabdi Godane iyo Ammiirka cusub ee kooxda loo magacaabay.

“Amiirkii Al-shabaab iyo laba abaanduule oo la socday ayaa ku geeriyooday duqeyntii Mareykanka uu gobolka Shabeellada Hoose ka fuliyay Isniintii meel ka tirsan gobolka Shabeellada Hoose,” ayaa lagu yidhi qoraalka lasoo dhigay bogga Somalimemo oo taageera Al-shabaab.

 

Ninka cusub ee loo magacaabay hoggaamiyaha kooxda Al-Shabaab ayaa magaciisa lagu sheegay Axmed Cumar, oo loo yaqaan (Abu Cubayd).

.