|

Akhri Magacyada Laba Wariye Oo Ku Dhaawacmay Weerar Xalay Lagu Qaaday Xarunta Radio Galkacyo

Galkacyo:Jan,01,2015(SDN/QJ)-Waxa xalay fiidkii hore weerar loo adeegsaday bamka gacanta laga tuuro lagu qaaday Xarunta Idaacadda Radio Galkacyo oo ku taalla Waqooyiga Magaalada Galkacyo.

kacoWeerarkan ayaa waxa ay waxyeello ka soo gaadhay laba wariye oo xilligaas xarunta ku sugnaa, sida uu warbaahinta u xaqiijiyey Agaasimaha idaacadaas Cawil Maxamed.

Dhaawaca wariyeyaasha ayaa la geeyay isbitaalka ku yaal magalada Galkacyo halkaa oo hadda lagula tacaalayo xaaladooda caafimaad waxana lagu kala magacabaa wariyeyaasha dhaawacmay Shiine Cabdi Axmed iyo Cabdullaahi Yare.

Saraakiisha ammaanka waqooyiga magalada Galkacyo ayaan wali ka hadal weerarka xalay lagu qaaday xarunta idaacada Radio Galkacyo.

Magaalada Galkacyo, ayaa ah goob inta Badan wariyayaasha  lagu dhibaateeyo, waxana dhawaan lagu dilay wariye Silver oo TV-ga Hctv uga soo warrami jirey Halkaas.

 

 

SDN/QJ

timo@qurbejoog.com

Contact@somalidiasporanews.com

Comments are closed